അട്ടേങ്ങാനം: പാട്ടിൽ വിസ്മയം തീർക്കുന്ന 5 വയസ്സുകാരി താരാ രഞ്ജിത്ത് റിയാലിറ്റി ഷോയിലും താരമായി മാറുകയാണ്.അട്ടേങ്ങാനം പാടിയരയിലെ അഞ്ജു രഞ്ജിത്ത് ദമ്പതികളുടെ മകളാണ് താരാ രഞ്ജിത്ത്.റിയാലിറ്റി ഷോയിൽ പങ്കെടുക്കാൻ അതിയായ താൽപര്യവും വാശിയും കാണിച്ചപ്പോഴാണ് പ്രവാസിയായ എം.എ.മ്യൂസിക് ബിരുദധാരി അഞ്ജു മകളെയും കൂട്ടി നാട്ടിലെത്തുന്നത്. ഫ്ലവേഴ്സ് ചാനലിലെ ടോപ്പ് സിംഗർ 4 എന്ന റിയാലിറ്റി ഷോയിൽ അവസരം ലഭിച്ച താരയിപ്പോൾ മലയാളികളുടെ വിസ്മയമായി മാറിയിരിക്കുകയാണ്.
മലയാളികളുടെ പ്രിയങ്കരിയായ കൊച്ചു മിടുക്കി താരാ രഞ്ജിത്തിനെ കോടോം-ബേളൂർ ഗ്രാമപഞ്ചായത്ത് വൈ .പ്രസിഡൻറ് പി.ദാമോദരൻ വീട്ടിലെത്തി അനുമോദിച്ച് ഉപഹാരം നൽകി.കെ.ആർ.കെ.കല്യോട്ട്, പി.പത്മനാഭൻ ,കെ .സ്മിത എന്നിവർ സംബന്ധിച്ചു. അന്തരിച്ച പ്രമുഖ പത്രപ്രവർത്തകൻ ഉണ്ണിക്കൃഷ്ണൻ പുഷ്പഗിരിയുടെ മകളുടെ മകളാണ് താരാ രഞ്ജിത്ത്.