ഹോളി ഫാമിലി ഹയർ സെക്കൻഡറി സ്കൂൾ സിൽവർ ജൂബിലി സംഗമം
രാജപുരം : ഹോളി ഫാമിലി ഹയർ സെക്കൻഡറി സ്കൂളിലെ ഹയർസെക്കൻഡറി വിഭാഗത്തിന്റെ സിൽവർ ജൂബിലി ആഘോഷങ്ങളുമായി ബന്ധപ്പെട്ടുള്ള പൂർവ്വ മാനേജർ , പിടിഎ പ്രസിഡന്റുമാർ , പ്രധാന അധ്യാപകർ , അധ്യാപക- അധ്യാപകേതര ജീവനക്കാർ , വിദ്യാർഥി സംഗമം സമാപിച്ചു. സ്കൂളിന്റെ ആദ്യ മാനേജർ ഫാദർ മാത്യു ഏറ്റിയേപ്പള്ളിൽ ഉദ്ഘാടനം ചെയ്തു. സ്കൂൾ മാനേജർ ഫാ.ജോസഫ് അരിച്ചിറ അധ്യക്ഷത വഹിച്ചു. പ്രശസ്ത കലാകാരൻ പ്രതീഷ് കലാഭവൻ വിശിഷ്ടാതിഥിയായി. യോഗത്തിൽ പൂർവ്വ മാനേജർമാരെയും പൂർവ്വ പിടിഎ പ്രസിഡന്റുമാരെയും പൂർവ്വ പ്രധാന അധ്യാപകരെയും പൂർവ്വ അധ്യാപക – അധ്യാപകേതര ജീവനക്കാരെയും വിവിധ കർമ്മമേഘലകളിൽ മികവു പുലർത്തിയ പൂർവ്വ വിദ്യാർത്ഥികളെയും ഷാൾ അണിയിച്ച് , മെമെന്റോ നൽകി ആദരിച്ചു. പ്രിൻസിപ്പൽ ജോബി ജോസഫ് ജൂബിലി പ്രോജക്ടുകളും പ്രോഗ്രാമുകളും അവതരിപ്പിച്ചു. ആദ്യ പ്രിൻസിപ്പൽ കെ.ടി.മാത്യു , ആദ്യ പിടിഎ പ്രസിഡൻ്റ് പി.ജെ.തോമസ് പൂഴിക്കാലായിൽ , പ്രോഗ്രാം കോഡിനേറ്റർ എ.എം.സാലു , ഹൈസ്കൂൾ ഹെഡ്മാസ്റ്റർ സജി മാത്യു , എൽപി സ്കൂൾ ഹെഡ്മാസ്റ്റർ കെ.ഒ.എബ്രഹാം , മുൻ പ്രിൻസിപ്പൽ സി. ജെ.ഫിലോമിന, മുൻ പിടിഎ പ്രസിഡൻ്റ് റ്റി.യു.മാത്യു , പിടിഎ പ്രസിഡൻ്റ് കെ.എ.പ്രഭാകരൻ , മുൻ പിടിഎ പ്രസിഡൻ്റ് ഒ.ജെ.മാത്യു എന്നിവർ പ്രസംഗിച്ചു . പൂർവ്വ വിദ്യാർത്ഥി സംഘടന രൂപികരിച്ചു. അഡ്വ. ഷാലു മാത്യു പൂർവ്വ വിദ്യാർത്ഥി സംഘടനയുടെ പ്രസിഡണ്ടായും, ബേബി പ്രസന്ന സെക്രട്ടറിയായും തിരഞ്ഞെടുക്കപ്പെട്ടു. ഉച്ചയ്ക്ക് സ്നേഹവിരുന്നോടെ സംഗമം സമാപിച്ചു .