രാജപുരം: കള്ളാർ പഞ്ചായത്തും ശുചിത്വ മിഷനും സംയുക്തമായി സംഘടിപ്പിക്കുന്ന ‘ഹരിത വിദ്യാലയ ക്യാംപെയിൻ’ എച്ച്. എഫ്. എച്ച്. എസ്. രാജപുരത്ത് വച്ച് പഞ്ചായത്ത് പ്രസിഡണ്ട് കെ.രജിത ഉദ്ഘാടനം ചെയ്തു. മാലിന്യമുക്തമായൊരു നാളേക്ക് വിദ്യാർത്ഥികളിൽ അവബോധം സൃഷ്ടിക്കുക എന്ന ലക്ഷ്യത്തോടെയാണ് ഈ ക്യാംപെയിൻ സംഘടിപ്പിക്കുന്നത്
വൈസ് പ്രസിഡണ്ട് എം.എം.സൈമൺ അധ്യക്ഷത വഹിച്ചു.
മാനേജർ ഫാ.ജോസ് അരീച്ചിറ മുഖ്യ സന്ദേശം നൽകി. ആരോഗ്യ വിദ്യാഭ്യാസ സ്റ്റാൻ്റിങ്ങ് കമ്മിറ്റി ചെയർപേർസൻ ശ്രീവിദ്യ പരിസ്ഥിതി പ്രതിജ്ഞ ചൊല്ലിക്കൊടുത്തു.
വികസന സ്റ്റാൻ്റിംഗ് കമ്മിറ്റി ചെയർപേഴ്സൺ പി.ഗീത, ക്ഷേമകാര്യ സ്റ്റാൻറ്റിംഗ് കമ്മിറ്റി, പിടി എ പ്രസിഡണ്ട് പി.എൽ.റോയി , സെക്രട്ടറി എ.പ്രേമ, പി.ഇ.സി സെക്രട്ടറി സി.മീനാക്ഷി ,പഞ്ചായത്തംഗം സി രേഖ എന്നിവർ സംസാരിച്ചു.ഹെഡ്മാസ്റ്റർ സജി മാത്യു സ്വാഗതവും, നോഡൽ ഓഫീസർ ഇക്കോ ശുചിത്വ ക്ലബ്ബ് ജിഷ ജോസ് നന്ദിയും പറഞ്ഞു.
ശുചിത്വ മിഷൻ ജില്ലാ റിസോർസ്പേർസൻ സി.പി വി വിനോദ് കുമാർ ‘സ്വാപ്പ് ഷോപ്പ്’ എന്ന വിഷയത്തിൽ വിശദീകരണം നൽകി.
അസിസ്റ്റൻ്റ് സെക്രട്ടറി കെ.രവീന്ദ്രൻ, ഹെൽത്ത് ഇൻസ്പെക്ടർ ഷീല എം. കെ, ഹരിത കർമ്മസേന കൺസോർഷ്യം ഭാരവാഹികൾ, ഹരിത കർമ്മസേന അംഗങ്ങൾ എന്നിവർ ശുചിത്വ ക്ലാസ്സും അഭിമുഖവും നടത്തി.
വിദ്യാർത്ഥികളെ മാലിന്യ സംസ്കരണത്തിൽ പങ്കാളികളാക്കാനും, പരിസ്ഥിതി സൗഹൃദമായൊരു ജീവിതശൈലി പ്രോത്സാഹിപ്പിക്കാനും ഈ ക്യാംപെയിൻ സഹായിക്കുമെന്ന് സംഘാടകർ അറിയിച്ചു.