രാജപുരം: കർണാടക സംസ്ഥാനം സിൻഡിക്കേറ്റ് ബാങ്ക്, ജിടിആർഇ ബാംഗ്ലൂർ, കണ്ണൂർ, കാസർകോട് ജില്ലാ ടീം എന്നിവയുടെ വോളിബോൾ ക്യാപ്റ്റനായി നീണ്ട 15 വർഷത്തിലധികം ഇന്ത്യയിൽ ഉടനീളമുള്ള വോളിബോൾ കോർട്ടുകളിൽ ആക്രമണ നിരയിലും പ്രതിരോധ നിരയിലും ഒറ്റയാൾ പോരാട്ടത്തിലൂടെ വോളിബോൾ കോർട്ടുകൾ അടക്കി വാണ ദേശീയ താരം പി.ജി.തോമസ് എന്ന സിൻഡിക്കേറ്റ് ബാങ്ക് ടോമിയെ സ്പോർട്സ് ഫോറം കണ്ണൂർ ആദരിച്ചു.
കള്ളാർ പഞ്ചായത്ത് പ്രസിഡണ്ട് ടി.കെ.നാരായണൻ ഉദ്ഘാടനം ചെയ്തു,
മുൻ ഇന്ത്യൻ ഫുട്ബോൾ ടീം ക്യാപ്റ്റനും സ്പോർട്സ് ഫോറം കണ്ണൂരിന്റെ പ്രസിഡണ്ടുമായ കെ.വിധനേഷ് അധ്യക്ഷത വഹിച്ചു. അന്താരാഷ്ട്ര റഫറി ടി.വി.അരുണാചലം സ്വാഗതം പറഞ്ഞു. ദേശീയ ഫുട്ബോൾ താരങ്ങളായ പ്രശാന്ത് കണ്ണൂർ, സി.അനിൽ, വോളിബോൾ അസോസിയേഷൻ ഭാരവാഹികളായ കുഞ്ഞിരാമൻ അരീക്കര, മനോജ് അമ്പലത്തറ, ശ്രീലേഖ എന്നിവർ സംസാരിച്ചു ടോമി മറുപടി പ്രസംഗം നടത്തി.