രാജപുരം: കേരള സർക്കാർ മൃഗസംരക്ഷണ വകുപ്പും കള്ളാർ പഞ്ചായത്തും സംയുക്തമായി നടപ്പിലാക്കുന്ന 2026-27 വാർഷിക പദ്ധതിയിൽ ഉൾപ്പെടുത്തി ജനറൽ വിഭാഗം ഗുണഭോക്താക്കൾക്കുള്ള മുട്ടക്കോഴി വിതരണത്തിന്റെ ഉദ്ഘാടനം കള്ളാർ പഞ്ചായത്ത് പ്രസിഡന്റ് രജിത.കെ നിർവഹിച്ചു.
പ്രാദേശിക തലത്തിൽ മുട്ട ഉൽപ്പാദനം വർദ്ധിപ്പിക്കുക, വീട്ടമ്മമാർക്കും കർഷകർക്കും അധിക വരുമാന മാർഗ്ഗം ഉറപ്പാക്കുക എന്നിവ ലക്ഷ്യമിട്ടാണ് പദ്ധതി നടപ്പിലാക്കുന്നത്.
പഞ്ചായത്ത് വൈസ് പ്രസിഡന്റ് എം.എം.സൈമൺ , വാർഡ് മെമ്പർമാരായ സി.രേഖ , വാസു. പി എ , , വെറ്ററിനറി ഡോ.അഫ്രീത് . എ.ആർ, മൃഗസംരക്ഷണ വകുപ്പ് ഉദ്യോഗസ്ഥർ, ഗുണഭോക്താക്കൾ തുടങ്ങിയവർ ചടങ്ങിൽ പങ്കെടുത്തു.
