രാജപുരം : ഷാൻഹായ് കരാട്ടെ അസോസിയേഷനിൽ നിന്നും 7 മത്തെ ബ്ലാക്ക് ബെൽറ്റ് നേടിയ റെൻഷി സി.വേണു മാസ്റ്ററെ ഷാൻഹായ് കരാട്ടെ അസോസിയേഷൻ കാസർകോട് ജില്ലാ കമ്മിറ്റി അനുമോദിച്ചു. 7-മത്തെ ബ്ലാക്ക് ബെൽറ്റ് നേടിയതിനോടു കൂടി “ഗ്രാന്റ് മാസ്റ്റർ പദവിയിലേക്ക് ഉയർന്നു.
അനുമോദന ചടങ്ങിൽ ജില്ലാ ചീഫ് സെൻസായ് അഭിരാജ് സ്വാഗതം പറഞ്ഞു. സെൻസായ് അഞ്ജലി അധ്യക്ഷത വഹിച്ചു. ബാലചന്ദ്രൻ കോട്ടോടി മുഖ്യാതിയായി. ബളാന്തോട് ഹയർ സെക്കന്ററി സ്കൂൾ അദ്ധ്യാപികയായ എ.ആർ.രജിത, സ്പെഷ്യൽ ബ്ലാക്ക് ബെൽറ്റ് ആദ്യ വേണു, ബ്ലാക്ക് ബെൽറ്റ് എം. ആർ.അശ്വിൻ, ബ്ലാക്ക് ബെൽറ്റ് അഭിഷേക്, ബ്ലാക്ക് ബെൽറ്റ് അഭിജിത്ത് എന്നിവർ സംസാരിച്ചു. ജില്ല ചീഫ് സൻസായ് ജെയിൻ ജോൺ നന്ദി പറഞ്ഞു.