രാജപുരം : പൂടങ്കല്ല് ജവഹർ ആർട്‌സ് ആൻ്റ് സ്പോർട്‌സ് ക്ലബ്ബ് മംഗളുരു ഏനപ്പൊയ മെഡിക്കൽ കോളേജുമായി ചേർന്ന് പൗരാവലി, ഗ്രാമപഞ്ചായത്തുകൾ, സന്നദ്ധ സംഘടനകൾ എന്നിവയുടെ സഹകരണത്തോടെ ഒക്ടോബർ 27 ന് പൂടുംങ്കല്ലിൽ സംഘടിപ്പിക്കുന്ന മെഗാ മെഡിക്കൽ ക്യാമ്പിന് സംഘാടക സമിതി രൂപീകരിച്ചു. കള്ളാർ പഞ്ചായത്ത് പ്രസിഡന്റ് ടി.കെ.നാരായണൻ ഉദ്ഘാടനം ചെയ്തു. ക്ലബ് പ്രസിഡന്റ് ടി.യു.മാത്യു അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് പ്രിയ ഷാജി, സ്‌ഥിരം സമിതി അധ്യക്ഷ പി.ഗീത, പഞ്ചായത്തംഗം ബി.അജിത് കുമാർ, രാജപുരം ഹോളിഫാമിലി ഹയർസെക്കൻഡറി സ്‌കൂൾ പ്രിൻസിപ്പൽ ജോബി ജോസഫ്, എൻ.മധു, യോനപ്പോയ മെഡിക്കൽ കോളേജ് പിആർഒ നിസാർ, ക്ലബ്ബ് സെക്രട്ടറി ജോസ് ജോർജ്,’ വി.പ്രഭാകരൻ എന്നിവർ പ്രസംഗിച്ചു. ഭാരവാഹികൾ: ടി.കെ.നാരായണൻ (ചെയർമാൻ), ടി.യു.മാത്യു (ജനറൽ കൺവീനർ).