രാജപുരം :ഹോളി ഫാമിലി എ.എൽ.പി സ്കൂളിൽ വിവിധ പരിപാടികളോടെ പഠനോത്സവം നടത്തി. 2024 -2025 അദ്ധയന വർഷത്തിൽ കുട്ടികൾ നേടിയെടുത്ത ശേഷികൾ ആത്മവിശ്വാസത്തോടെ കൂട്ടുകാരുടെയും അദ്ധ്യാപകരുടെയും രക്ഷിതാക്കളുടെയും സാന്നിധ്യത്തിൽ അവതരിപ്പിക്കുവാൻ കഴിഞ്ഞതിന്റെ ആഹ്ലാദത്തിലാണ് കുട്ടികൾ . കുട്ടികൾ ആർജിച്ചെടുത്ത ശേഷികകളും ധാരണകളും പല വ്യവഹാര രൂപങ്ങളിൽ അവതരിപ്പിച്ചു. കഥ, കവിത, സ്കിറ്റ്, വഞ്ചിപ്പാട്ട്, ഡാൻസ് , പരീക്ഷണങ്ങൾ , ഗണിതകേളി, പസ്സിൽസ്, കളക്ഷൻ എന്നിവ പഠനോത്സവത്തിന്റെ ഭാഗമായി.
വാർഡ് മെമ്പർ വനജ ഐത്തു പഠനോത്സവം ഉദ്ഘാടനം ചെയ്തു.
പിടിഎ പ്രസിഡണ്ട് സി.ചന്ദ്രൻ അദ്ധ്യക്ഷത വഹിച്ചു.ഹെഡ് മാസ്റ്റർ കെ.ഒ.എബ്രാഹം സ്വാഗതം പറഞ്ഞു
മദർ പി.ടി.എ പ്രസിഡണ്ട് ജാസ്മിൻ മാനുവൽ, സ്റ്റാഫ് സെക്രട്ടറി സോണി കുര്യൻ എന്നിവർ സംസാരിച്ചു. പ്രവർത്തനങ്ങൾക്ക് ഷൈബി എബ്രാഹം, ഷീജ ജോസ്, അനില തോമസ്, ഡോൺസിജോജോ, ശ്രുതി ബേബി,ജെസീക്ക, ദിവ്യ ജെയിംസ് എന്നിവർ നേതൃത്വം നൽകി. പഠനോത്സവത്തോടൊപ്പം നാലാം ക്ലാസ്സിന്റെ നേതൃത്വത്തിൽ നടന്ന ഭക്ഷ്യ മേള ആകർഷകമായി. നാടൻ ഭക്ഷണ വിഭവങ്ങളുടെ രുചി കുട്ടികൾ ആസ്വദിച്ചു.