രാജപുരം: കോടോം ബേളൂർ ഗ്രാമപഞ്ചായത്ത് തിരികെ സ്കൂളിലേക്ക് എന്ന കുടുംബശ്രീ ക്യാംപെയ്ൻ പരിപാടിയുടെ ഏഴാമത് ബാച്ച് കോടോത്ത് ഡോ.അംബേദ്കർ ഗവ.ഹയർ സെക്കൻഡറി സ്കൂളിൽ ചേർന്നു. 3, 4, 5, 6 വാർഡുകളിൽ നിന്നായി ആയിരത്തോളം ആളുകൾ പരിപാടിയിൽ പങ്കെടുത്തു. ഘോഷയാത്രയോടു കൂടി ആരംഭിച്ച പരിപാടി പഞ്ചായത്ത് പ്രസിഡൻ്റ് പി.ശ്രീജ ഫ്ലാഗ് ഓഫ് ചെയ്തു. സിഡിഎസ് ചെയർപേഴ്സൺ ബിന്ദു കൃഷ്ണൻ അധ്യക്ഷത വഹിച്ചു. ബ്ലോക്ക് പഞ്ചായത്തംഗം പി.വി.ശ്രീലത, പഞ്ചായത്തംഗങ്ങളായ പി.കുഞ്ഞികൃഷ്ണൻ എന്നിവരും ചടങ്ങിൽ സംബന്ധിച്ചു.