രാജപുരം: 5 വർഷം മുൻപ് കാണാതായ കല്യാണമോതിരം തൊഴിലുറപ്പ് തൊഴിലാളികളുടെ കയ്യിൽ കിട്ടി. കോടോം ബേളൂര്‍ പഞ്ചായത്ത്, മൂന്നാം വാർഡിൽ ഉദയപുരം കുതിരക്കല്ലിലെ ശശീന്ദ്രൻ എന്നവരുടെ പറമ്പിൽ ഉദയപുരത്തെ തൊഴിലാളികൾ തെങ്ങിന് വരമ്പ് പണിയെടുക്കുന്നതിനിടയില്‍ കൂരാമ്പുഴയിലെ ജാനകിയ്ക്കാണ് അഞ്ചു വർഷം മുൻപ് നഷ്ട്ടപെട്ട മുക്കാല്‍ പവന്‍ വരുന്ന വിവാഹ മോതിരം ലഭിക്കുന്നത്. വീട്ടുടമയായ പുഷ്‌പ്പലതയെ വിവരം അറിയിച്ചു. മോതിരം ജാനകി വീട്ടുടമയെ ഏൽപ്പിച്ചു. ഈ സത്യസന്ധത കാണിച്ച ജാനകിയെ സഹപ്രവർത്തകർ അഭിനന്ദിച്ചു.