രാജപുരം : ഹോളി ഫാമിലി ഹയർ സെക്കൻഡറി സ്കൂളിലെ വായനാവാരത്തിന്റെ ഉദ്ഘാടനം ബളാൽ സ്വദേശിയും അമേരിക്കയിൽ ഫോർട്ട് ബെൻഡ് കൗണ്ടി ജുഡീഷ്യൽ ഡിസ്ട്രിക്ട് ജഡ്ജ് ആയും സേവനം ചെയ്യുന്ന ജസ്റ്റിസ് സുരേന്ദ്രൻ കെ പട്ടേൽ നിർവഹിക്കുകയും കുട്ടികളോട് സംവദിക്കുകയും ചെയ്തു. വലിയ സ്വപ്നങ്ങൾ കാണണമെന്നും , ആ സ്വപ്ന സാക്ഷാത്കാരത്തിനായി കഠിനാധ്വാനം ചെയ്യണമെന്നും അങ്ങനെ ചെയ്താൽ ഒരു ശക്തിക്കും ലക്ഷ്യം നേടുന്നതിൽ നിന്നും നിങ്ങളെ പിന്തിരിപ്പിക്കാനാവില്ലായെന്നും കുട്ടികളെ അദ്ദേഹം ഉദ്ബോധിപ്പിച്ചു. സ്കൂൾ മാനേജർ ഫാ.ജോസഫ് അരിച്ചിറ , പ്രിൻസിപ്പാൾ ജോബി ജോസഫ്, പിടിഎ പ്രസിഡണ്ട് കെ.എ.പ്രഭാകരൻ, മിനി ജോസഫ് നെല്ലിക്കാക്കണ്ടത്തിൽ എന്നിവർ പ്രസംഗിച്ചു.