രാജപുരം : കപ്പൽ ജോലിക്കിടെ യുവാവിനെ കാണാതായതായി വിവരം. കള്ളാർ അഞ്ചാലയിലെ റിട്ട. ഡപ്യൂട്ടി തഹസിൽദാർ കുഞ്ചരക്കാട്ട് ആൻ്റണിയുടെ മകൻ ആൽബർട്ട് ആന്റണി (21) നെയാണ് കാണാതായത്. കാണാതായതായി കാണിച്ച് കമ്പനി അധികൃതർ അഞ്ചാലയിലെ വീട്ടിൽ നേരിട്ടെത്തി രേഖാമൂലം ബന്ധുക്കൾക്ക് വിവരം നൽകി. വെള്ളിയാഴ്ച രാവിലെ 11.45 ന് ഹോങ്കോങ്ങിൽ നിന്നും ചരക്കുമായി പുറപ്പെട്ട എം.വി. ട്രൂ കോൺറാഡ് ചരക്കുകപ്പലിൽ നിന്നാണ് ആൽബർട്ടിനെ കാണാതാകുന്നത്. ആൽബർട്ടിനെ കാണാതായ മേഖലയിൽ തിരച്ചിൽ ആരംഭിച്ചിട്ടുണ്ടെന്ന് അഞ്ചാലയിലെ വീട്ടിലെത്തിയ കമ്പനി അധികൃതർ അറിയിച്ചു. 2024 ഏപ്രിൽ 15 നാണ് ആൽബർട്ട് ആന്റണി കപ്പലിൽ ഡക്ക് കേഡറ്റായി ജോലിയി ൽ പ്രവേശിച്ചത്.
‘