രാജപുരം : ജവഹര്‍ പൂടംകല്ല് മംഗലാപുരം യേനപ്പോയ മെഡിക്കല്‍ കോളേജ് ആശുപത്രിയുമായി ചേര്‍ന്ന് കള്ളാര്‍, ബളാല്‍, പനത്തടി, കോടോം ബേളൂര്‍ പഞ്ചായത്തുകളും വിവിധ സന്നദ്ധ സംഘടനകളുമായി സഹകരിച്ച് നടത്തുന്ന സൗജന്യ മെഗാമെഡിക്കല്‍ ക്യാമ്പ് ഒക്ടോബര്‍ 27ന് ഞായറാഴ്ച പൂടംകല്ല് ബഡ്സ് സ്‌കൂളില്‍ നടക്കും. ക്യാമ്പില്‍ 10 വിഭാഗങ്ങളിലായി 30 ഓളം ഡോക്ടര്‍മാരുടെ സേവനം ലഭ്യമാക്കും. പങ്കെടുക്കാന്‍ താല്പര്യമുള്ളവര്‍ക്ക് രാജപുരം എയ്ഞ്ചല്‍ മെഡിക്കല്‍സ്, ചുള്ളിക്കര ലിന്നാസ് മെഡിക്കല്‍സ്, പൂടംകല്ലിലെ ജിയോ മെഡിക്കല്‍സ്, ഭാരത് മെഡിക്കല്‍സ്, നാഷണല്‍ ഹോം അപ്ലയന്‍സസ് എന്നിവിടങ്ങളില്‍ പേര് രജിസ്റ്റര്‍ ചെയ്യാം. സംഘാടകസമിതി അധ്യക്ഷന്‍ ടി.കെ.നാരായണന്റെ അധ്യക്ഷതയില്‍ ജില്ലാ പഞ്ചായത്ത് പ്രസിഡന്റ് ബേബി ബാലകൃഷ്ണന്‍ ക്യാമ്പ് ഉദ്ഘാടനം ചെയ്യും.
രാവിലെ 11 മണി മുതൽ സ്പോട്ട് രജിസ്ട്രേഷൻ ഉണ്ടാകുമെന്ന് സംഘാടക സമിതി അധ്യക്ഷന്‍ കള്ളാര്‍ പഞ്ചായത്ത് പ്രസിഡന്റ് ടി.കെ. നാരായണന്‍, കണ്‍വീനര്‍ ടി.യു. മാത്യു, ട്രഷറര്‍ എന്‍.മധു, വൈസ് ചെയര്‍മാന്‍ വി.പ്രഭാകരന്‍ മാസ്റ്റര്‍ തുടങ്ങിയവര്‍ വാർത്താ സമ്മേളനത്തില്‍ അറിയിച്ചു.