രാജപുരം കള്ളാർ പഞ്ചായത്ത് കൃഷിഭവൻ ക്രോപ്പ് ഹെൽത്ത് മാനേജ്മെൻ്റ് 2024 പദ്ധതിയുടെ ഭാഗമായി എലി നിയന്ത്രണ ബോധവത്കരണ പരിപാടി സംഘടിപ്പിച്ചു. പദ്ധതിയുടെ ഭാഗമായി എലി വിഷം സൗജന്യമായി വിതരണം ചെയ്തു.
പഞ്ചായത്ത് പ്രസിഡൻ്റ് ടി.കെ.നാരായണൻ ഉദ്ഘാടനം ചെയ്തു.
വാർഡ് മെമ്പർ വി.സബിത അധ്യക്ഷത വഹിച്ചു. കൃഷി ഓഫീസർ ഹനീന കെ എം വിഷയത്തിൽ ക്ലാസെടുത്തു. അഞ്ജനമുക്കൂട് പാടശേഖര സമിതി പ്രസിഡൻ്റ് കെ.രാധാകൃഷ്ണൻ നായർ സ്വാഗതം പറഞ്ഞു. പെസ്‌റ്റ് സ്കൗട്ട് കെ.രജനി നന്ദി പറഞ്ഞു. എ ഗ്രേഡ് പച്ചക്കറി ഉൽപാദക സംഘം അംഗങ്ങൾ, പാടശേഖര സമിതി അംഗങ്ങൾ, കർഷകർ തുടങ്ങിയവർ പങ്കെടുത്തു.
മൂഷിക വർഗ്ഗ ജീവികൾക്കെതിരെ ഫലപ്രദമായി ഉപയോഗിക്കാവുന്ന റോഡോഫോ (ബ്രോമഡിയലോൺ) എന്ന കെമിക്കാലാണ് പദ്ധതിയുടെ ഭാഗമായി വിതരണം ചെയ്യുന്നത്.