എഴുപതാം വാര്‍ഷിക നിറവില്‍ കൊട്ടോടി ഗവണ്‍മെന്റ് ഹയര്‍ സെക്കന്‍ഡറി സ്‌കൂള്‍ : ആഘോഷം 16, 17 തീയതികളിൽ

രാജപുരം: എഴുപതാം വാര്‍ഷികത്തിന്റെ നിറവില്‍ കൊട്ടോടി ഗവണ്‍മെന്റ് ഹയര്‍ സെക്കന്‍ഡറി സ്‌കൂള്‍. വാർഷികത്തിൻ്റെ ഭാഗമായി കലാപരിപാടികൾ, വിദ്യാര്‍ത്ഥി സംഗമം, പൂർവ അധ്യാപക സംഗമം, എന്നിവ പുഴയോരം എന്ന പേരില്‍ ജനുവരി 16, 17 തീയതികളില്‍ നടത്തും. 16ന് വാര്‍ഷികാഘോഷ ഉദ്ഘാടനവും ഉപഹാര വിതരണവും എന്‍ഡോവ്‌മെന്റ് വിതരണവും രാജ്‌മോഹന്‍ ഉണ്ണിത്താന്‍ എം പി ഉദ്ഘാടനം ചെയ്യും
ജില്ലാ പഞ്ചായത്ത് പ്രസിഡന്റ് ബേബി ബാലകൃഷ്ണന്റെ അധ്യക്ഷത വഹിക്കും
17ന് പൂര്‍വ്വ വിദ്യാര്‍ത്ഥി സംഗമം, പൂര്‍വ്വ അധ്യാപകരെ ആദരിക്കല്‍, പൂര്‍വ്വ വിദ്യാര്‍ത്ഥി കലാമേള തുടങ്ങിയവ സംഘടിപ്പിക്കും. പൂര്‍വ്വ വിദ്യാര്‍ത്ഥി സംഗമം പഞ്ചായത്ത് വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ അഡ്വക്കേറ്റ് എസ് എന്‍ സരിത ഉദ്ഘാടനം ചെയ്യും.
പിടിഎ പ്രസിഡന്റ് സി.കെ.ഉമ്മർ അധ്യക്ഷത വഹിക്കും
വി.കെ.സുരേഷ് ബാബു പ്രഭാഷണം നടത്തും. തുടര്‍ന്ന് നടക്കുന്ന പൂര്‍വ്വ അധ്യാപക സംഗമത്തില്‍ പൂര്‍വ്വ വിദ്യാര്‍ത്ഥിയും മോട്ടിവേഷന്‍ സ്പീക്കറുമായ ബാലചന്ദ്രന്‍ കൊട്ടോടി ക്ലാസെടുക്കും. പൂര്‍വ്വ അധ്യാപകര്‍, മുന്‍ പിടിഎ പ്രസിഡന്റുമാര്‍, ഒന്നാം ബാച്ച് വിദ്യാര്‍ത്ഥികള്‍, മുന്‍ എസ് എം സി ചെയര്‍മാന്‍മാര്‍ എന്നിവരെ ആദരിക്കും. വൈകിട്ട് 5 മണിക്ക് നടക്കുന്ന പൊതുസമ്മേളനം കളക്ടര്‍ കെ.ഇമ്പശേഖര്‍ ഐഎഎസ് ഉദ്ഘാടനം ചെയ്യും. കള്ളാർ പഞ്ചായത്ത് പ്രസിഡന്റ് ടി കെനാരായണൻ അധ്യക്ഷത വഹിക്കും. പൊതു സമ്മേളനത്തിനുശേഷം പൂര്‍വ്വ വിദ്യാര്‍ത്ഥികള്‍ അവതരിപ്പിക്കുന്ന കലാപരിപാടികളും മെഗാ ഗാനമേളയും അരങ്ങേറും.

സംഘാടക സമിതി ചെയര്‍മാന്‍ ടി.കെ.നാരായണന്‍, പ്രോഗ്രാം കമ്മിറ്റി ചെയര്‍മാന്‍ അബ്ദുള്ള, ഫിനാന്‍സ് കമ്മിറ്റി ചെയര്‍മാന്‍ ജോസ് പുതുശേരികാലായില്‍ , പ്രധാനാധ്യാപിക ബിജി ജോസഫ് കെ , പിടിഎ പ്രസിഡന്റ് സി.കെ.ഉമ്മര്‍, വൈസ് പ്രസിഡന്റ് എം. കൃഷ്ണകുമാര്‍ തുടങ്ങിയവര്‍ വാര്‍ത്താ സമ്മേളനത്തില്‍ സംബന്ധിച്ചു.

Leave a Reply