രാജപുരം: ഹോളി ഫാമിലി സ്കൂളിൽ 80-ാമത് സ്വാതന്ത്ര്യദിനം സമുചിതമായി ആഘോഷിച്ചു
രാജപുരം: ഹോളി ഫാമിലി സ്കൂളിൽ 80-ാമത് സ്വാതന്ത്ര്യദിനാഘോഷങ്ങൾ വർണ്ണാഭമായ ചടങ്ങുകളോടെ സംഘടിപ്പിച്ചു. പരിപാടിയോട് അനുബന്ധിച്ച് സ്കൂൾ മാനേജർ ഫാദർ ജോസ് അരീച്ചിറ ദേശീയ പതാക ഉയർത്തുകയും സ്വാതന്ത്ര്യദിന സന്ദേശം നൽകുകയും ചെയ്തു.
ചടങ്ങിൽ സ്കൂൾ ഹെഡ്മാസ്റ്റർ സജി മാത്യു ഏവരെയും സ്വാഗതം ചെയ്തു. ആഘോഷങ്ങളുടെ ഭാഗമായി വിവിധ സംഘടനകളുടെ നേതൃത്വത്തിൽ ആകർഷകമായ പരിപാടികളും അരങ്ങേറി. പങ്കെടുത്ത എല്ലാവർക്കും മധുരപലഹാരങ്ങൾ വിതരണം ചെയ്തതോടെയാണ് പരിപാടികൾക്ക് സമാപനമായത്. വിദ്യാർത്ഥികളും മാതാപിതാക്കളും അധ്യാപകരും ഉൾപ്പെടെ നിരവധി പേർ ചടങ്ങിൽ പങ്കെടുത്തു.