രാജപുരം: കോടോം ബേളൂർ പഞ്ചായത്ത് കേരള സംസ്ഥാന യുവജന ക്ഷേമ ബോർഡ്‌ കേരളോത്സവം 2023 കലാമത്സരങ്ങൾ തായന്നൂർ ഗവ. ഹയർ സെക്കന്ററി സ്കൂളിൽ നടന്നു. പഞ്ചായത്തിലെ വിവിധ പ്രദേശങ്ങളിൽ നിന്നും വന്ന നാൽപതിയഞ്ചോളം ക്ലബ്ബുകളിൽ നിന്നെത്തിയ മത്സരാർഥികൾ മാറ്റുരച്ചു. രാവിലെ 9 മണി മുതൽ നാല് വേദികളിലായി വിവിധ കലാമത്സരങ്ങൾ അരങ്ങേറി. വൈകുന്നേരം 4 മണിക്ക് കേരളോത്സവത്തിന്റെ സമാപന സമ്മേളനം എം എൽ എ ഇ. ചന്ദ്രശേഖരൻ ഉത്ഘാടനം ചെയ്തു. പഞ്ചായത്ത് പ്രസിഡണ്ട്‌ പി. ശ്രീജ അധ്യക്ഷത വഹിച്ചു. വൈസ് പ്രസിഡന്റ്‌ പി ദാമോദരൻ, ബ്ലോക്ക്‌ പഞ്ചായത്ത് സ്റ്റാൻഡിങ് കമ്മിറ്റി ചെയർ പേഴ്സൺ രജനി കൃഷ്ണൻ, പഞ്ചായത്ത് സ്റ്റാൻഡിങ് കമ്മിറ്റി ചെയർമാന്മാരായ ഗോപാലകൃഷ്ണൻ, എൻ.എസ്.ജയശ്രീ, ഷൈലജ വാർഡ് മെമ്പർമാരായ ഇ.ബാലകൃഷ്ണൻ, രാജീവൻ ചീരോൽ , നിഷ അനന്തൻ, പി.ഗോപി, എം.വി.ജഗന്നാഥ്‌, പി.കുഞ്ഞികൃഷ്ണൻ, കുഞ്ഞികൃഷ്ണൻ, സി ഡി എസ് ചെയർപേർസൺ ബിന്ദു കൃഷ്ണൻ, പഞ്ചായത്ത് ഇമ്പ്ലിമെന്റിങ് ഓഫീസർ പി.ഗോപി, യൂത്ത് കോർഡിനേറ്റർ ബി.പി. വിഷ്ണു, മുൻ യൂത്ത് കോർഡിനേറ്റർ സുരേഷ് വയമ്പ്, പി ടി എ പ്രസിഡന്റ്‌ എം.രാജൻ, സംഘാടക സമിതി ചെയർമാൻ ടി.കെ.ബാബു എന്നിവർ സംസാരിച്ചു. സിനിമ ബാലതാരം അർപ്പിത രാജൻ, സീ കേരളം സ രി ഗ മ പ ഫെയിം കെ.എസ്.സ്വർണ എന്നിവരെ അനുമോദിച്ചു.