രാജപുരം : ഹോളി ഫാമിലി എ.എൽ.പി സ്കൂളിൽ വിവിധ പരിപാടികളോടെ ശിശു ദിനം ആഘോഷിച്ചു. പി.ടി.എ പ്രസിഡണ്ട് . ജോർജ് ആടുകുഴിയുടെ അദ്ധ്യക്ഷതയിൽ നടന്ന ആഘോഷ പരിപാടിയിൽ ഹോളി ഫാമിലി ഹയർ സെക്കണ്ടറി പ്രിൻസിപ്പാൾ ജോബി ജോസഫ് ശിശുദിന സന്ദേശവും കുട്ടികൾക്കായി ക്വിസ്സ് മത്സരവും നടത്തി. പ്രധാനാദ്ധ്യാപകൻ എബ്രാഹം കെ. ഒ സ്വാഗതപ്രസംഗവും സ്റ്റാഫ് സെക്രട്ടറി . സോണി കുര്യൻ നന്ദി പ്രകാശനവും നടത്തി. കുട്ടികളുടെ വിവിധ കലാപരിപാടികൾക്കൊപ്പം അദ്ധ്യാപികമാരുടെ ഡാൻസ് കുട്ടികൾക്ക് നവ്യാനുഭവമായി. കുട്ടികളെ സ്നേഹിച്ച ജവഹർലാൽ നെഹ്റുവിന്റെ ആൽബം ഉണ്ടാക്കി കുട്ടികൾ ചാച്ചാജിയോടുള്ള ആദരവ് പ്രകടിപ്പിച്ചു . നെഹ്റു ആൽബത്തിന്റെ പ്രകാശനകർമ്മം രാജപുരം ഹയർ സെക്കണ്ടറി പ്രിൻസിപ്പാൾ . ജോബി ജോസഫ് നിർവ്വഹിച്ചു. തുടർന്ന് പി.ടി.എ എക്സിക്കുട്ടീവ് അംഗങ്ങൾ കുട്ടികൾക്ക് മധുര പലഹാരങ്ങൾ നൽകി. പ്രവർത്തനങ്ങൾക്ക് ഷൈബി എബ്രാഹം, ചൈതന്യ ബേബി, ഡോൺ സി ജോ ജോ, അബിയ ജോസ് , ശ്രുതി ബേബി, ഷീജ ജോസ്, ജാസ്മിൻ മാത്യൂസ് എന്നിവർ നേതൃത്വം നൽകി.