രാജപുരം: മാലക്കല്ല് സെൻ്റ് മേരീസ് എയുപി സ്കൂളിലെ കുഞ്ഞു വായനക്കാർക്കായി പുസ്തകങ്ങളുമായി രാജപുരം സെൻ്റ് പയസ് ടെൻത് കോളേജ് അധ്യാപകരും വിദ്യാർത്ഥികളും എത്തി. വായനാ മാസാചരണത്തിന്റെ ഭാഗമായി കോളേജിലെ മലയാളം വിഭാഗത്തിന്റെയും സ്കൂൾ ലൈബ്രറിയുടെയും നേതൃത്വത്തിലാണ് പുസ്തകങ്ങൾ നൽകപ്പെട്ടത്. സ്കൂളിൽ വച്ച് നടന്ന ചടങ്ങിൽ ഹെഡ്മാസ്റ്റർ എം.എ.സജി പുസ്തകങ്ങൾ ഏറ്റുവാങ്ങി. പയസ് ടെൻത് കോളേജിലെ മലയാളം വിഭാഗം അധ്യാപിക അതുല്യ കുര്യാക്കോസ് വായനയുടെ പ്രാധാന്യത്തെക്കുറിച്ച് കുട്ടികളുമായി സംവദിച്ചു. പരിപാടികൾക്ക് വി.കെ.സുരേഷ്കുമാർ, പി.വി.അനുപ്രി, ഏബൽ ജസ്റ്റിൻ, ജെയിംസ് സിബി, ശ്രുതി ജോയ് എന്നിവർ നേതൃത്വം നൽകി. ചടങ്ങിൻ ജിമ്മി ജോർജ് നന്ദി പറഞ്ഞു. വായനാ ക്വിസിലെ യു പി വിഭാഗം വിജയികളായ അന്ന വിനോദ്, ഗൗരി കൃഷ്ണ, അല്‌ന സോണിഷ്, എൽ പി വിഭാഗം വിജയികളായ നവദേവ് ഗംഗൻ, എയ്ഡൻ ഷൈജു എന്നിവർക്കുള്ള സമ്മാനങ്ങളും നൽകി.