ബൈക്കിൽ നിന്നും തെറിച്ചു വീണ് പരിക്കറ്റ യുവാവ് ചികിത്സയ്ക്കിടെ മരിച്ചു.

രാജപുരം: ബൈക്കിൽ നിന്നും വീണ് തലയ്ക്ക് ഗുരുതരമായി പരിക്കേറ്റ് ചികിൽസയിലായിരുന്ന യുവാവ് മരിച്ചു. കൊട്ടോടിയിലെ മുണ്ടപ്പുഴ റോജി (48) ആണ് മരിച്ചത്.  ഞായറാഴ്‌ച രാത്രിയായിരുന്നു അപകടം. സുഹൃത്തിനൊപ്പം പോകവെ ഗ്രാഡിപ്പള്ള റോഡിലെ കയറ്റത്തിൽ പിന്നിലിരുന്നിരുന്ന റോജി റോഡിലേക്ക് തെറിച്ച് വീഴുകയായിരുന്നു. തലക്ക് ഗുരുതരമായി പരിക്കേറ്റ് ആദ്യം പൂടംകല്ല് താലൂക്ക് ആശുപത്രിയിലും തുടർന്ന് മംഗളുരുവിലെ ആശുപത്രിയിലും പ്രവേശിപ്പിച്ചെങ്കിലും ഇന്നു രാവിലെ മരണപ്പെടുകയായിരുന്നു.സംസ്ക്കാര ശുശ്രൂഷകൾ ബുധനാഴ്ച 31/7/24 രാവിലെ 10.30 ന് റെജിയുടെ ഭവനത്തിൽ ആരംഭിച്ച് കോട്ടോടി സെൻ്റ് സേവ്യഴ്സ് പള്ളിയിൽ അടക്കം ചെയ്യുന്നതാണ്.