കെഎസ്ആർടിസി ബസ് ഇടിച്ച് ബൈക്കിൽ നിന്നും തെറിച്ചു വീണ യുവാവ് സ്വകാര്യ ബസ് കയറി മരിച്ചു.

രാജപുരം : പടന്നക്കാട്  കെഎസ്ആർടിസി ബസിടിച്ച് ബൈക്കിൽ നിന്നും തെറിച്ചു വീണ യുവാവ് സ്വകാര്യ ബസ് കയറി മരിച്ചു. ബേഡഡുക്ക തെക്കെക്കര സ്വദേശി ശ്രീനിഷ് (39) ആണ് മരിച്ചത്. ഇന്ന് രാത്രി 9 മണിയോടെയാണ് അപകടം. കാഞ്ഞങ്ങാട് ഭാഗത്തേക്ക് പോകുകയായിരുന്ന ശ്രീനേഷ് സഞ്ചരിച്ച ബൈക്കിൽ കെഎസ്ആർടിസി ഇടിക്കുകയും തെറിച്ചു വീണ യുവാവിൻ്റെ ദേഹത്ത് സ്വകാര്യ ബസ് കയറുകയായിരുന്നു. യുവാവ് സംഭവ സ്ഥലത്ത് തന്നെ മരിച്ചു. മൃതദേഹം ജില്ലാ ശുപത്രിയിൽ. ടി.ബാലകൃഷ്ണന്റെയും പി.ശ്യാമളയുടെയും മകനാണ്. സഹോദരി: ശുഭ.