രാജപുരം: തോടുകളും വയൽ വരമ്പുകളും സംരക്ഷിക്കുന്നതിന് പരപ്പ ബ്ലോക്ക് പഞ്ചായത്ത് നടപ്പിലാക്കിയ ഭൂവസ്ത്ര നിർമ്മാണം കാണുന്നതിനും പഠിക്കുന്നതിനും വിദ്യാർത്ഥികൾ കൃഷിയിടത്തിൽ എത്തി പ്രാന്തക്കാവ് ഗവ : യുപി സ്കൂളിലെ ഇക്കോ ക്ലബ്ബ് വിദ്യാർത്ഥികളും അധ്യാപകരുംമാണ് പനത്തടി പഞ്ചായത്തിലെ ചെറുപനത്തടി വളപ്പിൽ കാർത്യാനിയമ്മയുടെ കൃഷിയിടംസന്ദർശിച്ചത്. പഞ്ചായത്തംഗം എൻ വിൻസന്റ് പദ്ധതിയെക്കുറിച്ച് വിദ്യാർത്ഥികൾക്ക് വി വരണം നൽകി. സ്കൂൾ പ്രധാന അധ്യാപകൻ കെ.പി.വിനയരാജൻ, സീനിയർ അധ്യാപകരായ ജെ.ശാന്തകുമാരി, മിനി സക്കറിയ, പി ടി എ ഭാരവാഹികളായ എൻ.മനോജ്, പി.ശശി, രേഷ്മ ചന്ദ്രൻ തുടങ്ങിയവരും സംഘത്തിനൊപ്പം ഉണ്ടായിരുന്നു.