രാജപുരം : ചുള്ളിക്കര സെന്റ് മേരീസ് പള്ളിയിൽ പരിശുദ്ധ കന്യകാമറിയത്തിന്റെ പ്രധാന തിരുനാളിന് വികാരി ഫാ.റോജി മുകളേൽ കൊടിയേറ്റി. തിരുന്നാൾ ഡിസംബർ 29 ന് സമാപിക്കും. ഇന്നു ലദീഞ്ഞ്, കുർബാന, പരേതസ്മരണ എന്നിവ നടന്നു. നാളെ 28 ന് രാവിലെ 7 മണിക്ക് ഫാ.ഷൈജു മേക്കര കാർമികത്വത്തിൽ ലദീഞ്ഞ്, വിശുദ്ധ കുർബാന എന്നിവ നടക്കും. വൈകിട്ട് 6.30 ന് പൂടുംകല്ല് കുരിശുപള്ളിയിൽ നടക്കുന്ന ലദീഞ്ഞിന് ഫാ.ഷിജോ കുഴിപ്പള്ളിൽ കാർമികത്വം വഹിക്കും, തുടർന്ന് തിരുനാൾ പ്രദക്ഷിണം പള്ളിയിലേക്ക്, 8.15 ന് ഫാ. സൈമൺ പുല്ലാട്ട് സന്ദേശം നൽകും. ഫാ.ജോസ് അരിച്ചിറ പരിശുദ്ധ കുർബാനയുടെ ആശീർ വാദം നൽകും. 29 ന് രാവിലെ 6.30 ന് വിശുദ്ധ കുർബാന, 9.45 ന് ആഘോഷമായ തിരുനാൾ റാസ, ഫാ.ജിജോ നെല്ലിക്കാകണ്ടത്തിൽ ഫാ.സനീഷ് കയ്യാലക്കകത്ത്, ഫാ.സൈമൺ പുല്ലാട്ട്, ഫാ.ബെന്നി എന്നിവർ സഹകാർമികരാകും, ഫാ.ചാക്കോ വണ്ടംകുഴി തിരുനാൾ സന്ദേശം നൽകും . 12 മണിക്ക് പ്രദക്ഷിണം ഫാ. ജോമോൻ കുന്നക്കാട്ട്തടത്തിൽ കാർമികത്വം വഹിക്കും, ഫാ.ജോസ് തറപ്പ് തൊട്ടിയിൽ പരിശുദ്ധ കുർബാനയുടെ ആശീർ വാദം നൽകും.
土