
രാജപുരം: ബളാന്തോട് മായത്തി ക്ഷേത്രത്തിന് സമീപം കോളേജ് വിദ്യാർത്ഥി പുഴയിൽ മുങ്ങി മരിച്ചു. കോയത്തടുക്കം ആദംവെങ്ങാക്കൽ രാജന്റെ മകൻ എ.ആർ രാഹുൽ (19) ആണ് മരിച്ചത്. കൂട്ടുകാരോടൊപ്പം പുഴയിൽ നീന്താൻ ഇറങ്ങിയതായിരുന്നു. കൂട്ടുകാരുടെ നിലവിളി കേട്ടതിനെ തുടർന്ന് നാട്ടുകാർ എത്തി കരയ്ക്ക് എത്തിച്ചപ്പോഴേക്കും മരണം സംഭവിച്ചിരുന്നു. രാജപുരം സെന്റ് പയസ് ടെൻത് കോളേജിലെ രണ്ടാംവർഷ ബി. ബി. എ വിദ്യാർത്ഥിയായിരുന്നു. കഴിഞ്ഞദിവസം കോളേജിലെ എൻ. എസ്. എസ് ക്യാമ്പ് കഴിഞ്ഞ് വീട്ടിലെത്തിയിരുന്നു. മാതാവ് ഷിജി . ഏക സഹോദരൻ അഖിൽ( വിദ്യാർത്ഥി, ബളാന്തോട് എച്ച് എസ് )